Породилиште во Њујорк времено затворено – персоналот замина поради обврската за вакцинација
Една болница во Њујорк привремено сопре со породувања поради преголемиот број откази на вработени во породилиштето. Бранот откази следуваше откако сојузната држава воведе задолжителна вакцинација на здравствените работници, објави Си-ен-ен.
Општата болница на Округот Ливес во Лоувил по 24 септември престанува со породувања, потврди извршниот директор на болницата Џералд Кавер.
-Не можеме со сигурност да ветиме дека ќе вработиме доволно луѓе по овој датум. Бројот на откази не ни остави друг избор освен работата на породилиштето времено да ја прекинеме. Се надевам дека Одделот за здравство ќе ни помогне во оваа ситуација, рече Кавер на прес конференција.
Откако гувернерот на Њујорк, Ендру Куомо, нареди сите здравствени работници да примат барем една доза вакцина против коронавирус до 27 септември, 30 здравствени работници си дадоа отказ во оваа болница.
Директорот на болницата соопшти дека вработените кои си дале отказ или се отпиштени поради вакцинален статус нема да имаат право на надомест за невработени.