Пред десетина дена во Атина беше застрелан Дарко Ковачевиќ, мотивите за нападот сè уште не се познати, но денеска во грчките медиуми се појави неверојатна информација дека зад нападот стои неговиот поранешен соиграч и пријател, Раул Браво.

Тие двајца играа заедно во грчкиот шампион Олимпијакос, а Раул Браво во еден момент од кариерата го носеше дресот и на Реал Мадрид.

Се претпоставува дека причина за нападот се местенките во фудбалот поради кои Браво неодамна беше уапсен во Шпанија. Тој беше организатор на групата која се занимаваше со местење на фудбалски натпревари и перење на пари.

Поранешниот српски репрезентативец знаел за тоа што Раул Браво го работел во последните неколку години и наводно почнал да зборува одредени детали на негови пријатели, а тоа го дознале поранешниот дефанзивец на Реал Мадрид и неговата група и поради тоа го застрелале Ковачевиќ.

Ковачевиќ бил застрелан во ногата како предупредување дека треба да молчи и да се зборува работи кои може да излезат во јавноста.