ПОРАДИ КОРОНАВИРУСОТ: Сите баратели на азил во Португалија ќе станат постојани резиденти
Сите странци во Португалија кои побарале дозвола за останување во оваа земја ќе добијат статус на постојани резиденти почнувајќи од овој понеделник, па најрано сѐ до 1 јули, пишува „Ројтерс“.
Оваа мерка е донесена за во време на пандемијата на коронавирусот мигрантите да имаат пристап до јавните сервиси. Пријавените, вкучително и барателите на азил, мораат само да пружат доказ за барањето за да можат да го користат националниот здравствен систем, да имаат работни олеснувања, да можат да отворат банковни сметки и да склучуваат договори за наем.
– Не би било дозволено на луѓето да им биде ускратено правото на здравствените и јавни сервиси, бидејќи нивните барања сѐ уште не се процесуирани. Во овие невообичаени времиња, правата на мигрантите мораат да бидат загарантирани – рече Клаудиа Велосо, портпаролка на португалското МВР.
Инаку, во Португалија досега се пријавени 5.170 случаи на заразени со коронавирус, а 100 луѓе почнаа од последиците на Ковид-19. Властите врвот на заразата го очекуваат на крајот на мај.
Не е познато колку лица се во процес на барање на азил, но според официјални податоци од 2019 година во Португалија имало 580.000 мигранти, а на 135.000 им е одобрено останување во земјата. Најголем дел од нив доаѓаат од Бразил, а потоа следат мигранти и од Романија, Украина, Велика Британија и Кина.