Според оценката на раководителите на деловните субјекти, индикаторот на доверба во трговијата на мало во третото тримесечје од 2019 година е за 0.1 процентен поен повисок во однос на претходното тримесечје, а e зголемен за 0.5 процентни поени во однос на истото тримесечје од 2018 година.

Eкономската состојба на деловните субјекти во третото тримесечје од 2019 година е незначително поповолна во однос на претходното тримесечје, а e поповолна во однос на истото тримесечје од 2018 година. Се очекува да биде поповолна и во наредните две тримесечја. Количеството на залихите е незначително зголемено во однос на претходното тримесечје.

Финансиската состојба во третото тримесечје од 2019 година е поповолна во однос на претходното од 2019 година.

Оценката за очекуваните порачки за наредниот период се дека ќе се зголемат, а се очекува да се зголеми и бројот на вработените.

Продажните цени во третото тримесечје од 2019 година се намалиле во однос на претходното, а се очекува нивно намалување и во наредните 3 месеци.

Најголемо влијание врз ограничувањето на економската состојба на деловните субјекти во текот на третото тримесечје од 2019 година имале: недостигот на обучен кадар со 22.4 %, зголемената конкуренција на пазарот со 19.5 %, зголемените трошоци за труд со 17.9 % и слабата побарувачка од купувачите со 17.0 %.