До прекинот на сезоната во најсилното англиско првенство играчите на менаџерот Јирген Клоп имаа 25 бодови предност во однос на второпласираниот Манчестер сити.

Полн „Енфилд“, трофеј во рацете на Џордан Хендерсон, ден кој навивачите го чекаа 30 години, така барем во среќни околности, ќе изгледаше 9 мај во Ливерпул.

Денеска требаше да се одигра претпоследното коло во Премиер лигата, последно во кое Ливерпул требаше да биде домаќин пред своите верни навивачи.

Можеби веројатно уште порано „редси“ ќе ја обезбедеа титулата, но дефинитивно шампионското славје ќе се славеше во текот на денешниот ден на дербито против Челзи.

Но, пандемијата на вирус Ковид-19 ја одложи радоста на „црвените“, и натаму нема точни датуми кога и како ќе продолжат возбудувањата во Премиер лигата. Последен пат во елитата Ливерпул беше шампион во 1990 година.