Црногорскиот претседател Мило Ѓукановиќ има уставен рок од 30 дена од конституирање на парламентарно мнозинство за предлог на премиер. Од неговиот Кабинет соопштија дека претседателот ќе предложи мандатар до 23 октомври.

– Согласно Уставот, претседателот на Црна Гора ќе ги изврши предвидените процедури и ќе предложи мандатар за состав на влада во рок од 30 дена од денот на конституирање на Парламентот”, изјавија од кабинетот на Ѓукановиќ за црногорски медиуми.

Пратениците на новото парламентарно мнозинство (41) вчера го подржаа носителот на листата „За иднина на Црна Гора“, Здравко Кривокапиќ, за мандатар на новата влада.

Мандатарот ја објавува својата програма во Собранието и го предлага составот на владата. Собранието одлучува за програмата на мандатарот и за предлогот за состав на владата истовремено.