По смртта на кралицата, принцот Вилијам и Кејт Мидлтон не само што добија голем број нови титули, туку преку ноќ станаа милијардери, пишува „Ladbible“.

Пред веста за смртта на кралицата, Вилијам добил средства од крунскиот имот, суверените грантови и од неговото наследство од неговата покојна мајка принцезата Дијана. Неговото богатство се проценува на околу 40 милиони долари.

Меѓутоа, неговото богатство порасна за 1,3 милијарди долари, со што неговата вкупна нето вредност достигна 1,34 милијарди долари.

Причината за ова огромно зголемување на богатството е тоа што принцот Вилијам и Кејт ги наследиле поранешните титули на кралот Чарлс. Освен што се војвода и војвотка од Кембриџ, тие сега се и принц и принцеза од Велс, како и војвода и војвотка од Корнвол.

Поточно, војводството Корнвол со себе носи огромни земјишни поседи и различни имоти ширум земјата во вредност од 1,3 милијарди долари.

Имотот опфаќа околу 52.000 хектари и се простира на 20 окрузи во Англија и Велс и се состои од земјоделско земјиште, делови од националниот парк Дартмур, терен за крикет, па дури и затвор.

Чарлс претходно беше војвода од Корнвол повеќе од пет децении, што го прави војвода од Корнвол со најдолг стаж во историјата.

Сопственоста на имотот му донесе 21 милион фунти (24 милиони долари) во последната година. Кралот доброволно платил највисока стапка на данок на доход (45 отсто) на имотот.

Меѓутоа, бидејќи војводството не се смета за компанија според даночните закони, Чарлс не мораше да плаќа данок на добивка на претпријатија или на капитална добивка.

Тоа предизвика критики во јавноста и застапниците, а е особено контроверзно, бидејќи имотот поседува земјиште што некогаш се користело за рударство, а војводството ги поседува правата на рудниците.

ВИДЕО+ФОТО | Вилијам и Хари повторно еден покрај друг: Кејт и Меган во црно од глава до пети

ВО ЖИВО: Вилијам, Кејт, Хари и Меган пристигнаа во Виндзор

Ред на наследување на британскиот престол по Кралот Чарлс