ПМФЛ: Академија Пандев во голема резултатска криза, Победа непријатно го изненади Силекс
Денеска во 10 коло се одиграа четири натпревари од Првата македонска фудбалска лига, актуелниот шампион Шкупи славеше со 0:1 на гостувањето кај Академија Пандев. Ова е веќе четврти пораз во низа за „пандевци“.
Чаирчани иако во своите редови имаа двајца исклучени играчи, на крајот ги освоија бодовите со голот на Диене во второто полувреме.
Победа изненадувачки триумфираше убедливо во Кратово против Силекс (0:3). Прилепчани беа подобри благодарение на погодоците на Стомнароски, Петејчук и Паноски.
Мируваа мрежите на останатите два меча (0:0), Скопје – Работнички и Шкендија – Брегалница Штип.
На табелата Струга Трим Лум води со 25 бодови, пред Шкендија и Тиквеш кои имаат по 16, следуваат Шкупи и Силекс по 15.
ПМФЛ, 10 коло
Недела, резултати –
Академија Пандев – Шкупи 0:1
Скопје – Работнички 0:0
Шкендија – Брегалница Штип 0:0
Силекс – Победа 0:3
Табела: Струга Трим Лум 25 бодови, Шкендија 16, Тиквеш 16, Шкупи 15, Силекс 15, Брегалница Штип 12, Работнички 11, Македонија ЃП 9, Академија Пандев 7, Победа 7, Скопје 5.
ПМФЛ: „Лавовите“ се вратија на поразите, Тиквеш издоминира во Кавадарци
