Перез од 2009 година кога по втор пат беше избран за претседател по три години пауза, на наредните два реизбори во 2013 и 2017 година немаше противкандидат, но ова лето тој ќе има конкурент во Енрике Рикелме.
Младиот бизнисмен Рикелме има 32 години и е директор на компанијата „Cox energy“ чија вредност е проценета на 300 милиони евра и притоа ги исполнува условите за да се кандидира бидејќи може да обезбеди парична гаранција во висина од 15 проценти од годишниот буџет на Реал Мадрид, или околу 92 милиони евра.

Enrique Riquelme, jeune homme d’affaires de 32 ans et socio du Real Madrid depuis 20 ans annonce sa volonté de se présenter “maintenant ou dans l’avenir” aux élections présidentielles du club. pic.twitter.com/TTUAigV06D

— Les Merengues (@Les_Merengues) March 26, 2021

Рикелме смета дека Реал Мадрид мора да стане посилен на глобално ниво.
– Во овој момент потребно е или клубот да го смени својот начин на работа на глобално ниво или ќе се најде во големи проблеми за неколку години. Да се биде глобално силен клуб не е едноставно, не е доволно Реал да отпатува на турнеја низ САД за време на летните подготовки – вели Рикелме.

Младиот бизнисмен му оддаде почит за работата на Флорентино Перез.
– Најдобриот претседател во историјата на Реал Мадрид е Сантијаго Бернабеу, а по него имавме неколку претседатели меѓу кои е и Перез кој пак успеа да ги сврти работите на подобро. Но, јасно е дека промените во Реал Мадрид се неопходни – додава Рикелме.
Според статутот на Реал Мадирд, претседателските избори мора да се одржат на секои четири години, а засега не е познато какви се плановите на Рикелме.