Бронзени скулптури од надреалистичкиот уметник Салвадор Дали се украдени рано утринава од галеријата Колер во Стокхолм, кога крадци ја разбиле вратата, ги земале уметнините на Дали и побегнале.

Во галеријата е актуелна изложба на делата на Салвадор Дали, а досега биле изложени околу десет дела на шпанскиот уметник.

Украдените работи, според зборовите на директорот на галеријата, поединечно вредат помеѓу 21.000 и 52.000 долари, пренесува Ројтерс.

– Тоа се многу пари. Ова е ужасно – рекол директорот на галеријата. Тој додал и дека делата на Дали биле на позајмица од Швајцарија.

Местото на настанот е обезбедено, а моментално се врши увид, јавуваат повеќе светски медиуми, соопштувајќи дека полицијата засега одбива да открие повеќе детали.