Тајландските власти тврдат дека Марк Рамбл, кој во понеделникот колабирал во британски затвор поради инфицираност од коронавирусот, бил здрав кога на крајот на јануари е екстрадиран од таа земја, пишува „Бангкок пост“.

Од Тајланд денес порачаа дека починатиот 31-годишен Британец, кој бил обвинет за растурање на дрога, не покажувал знаци на болеста кога на 27 јануари е екстрадиран во Велика Британија.

Тврдат дека за време на прегледот му била измерена температура од 36,6 Целзиусови степени, и дека снимката од неговите бели дробови била сосема нормална.

Инаку, пред да биде екстрадиран во Велика Британија, Рамбл бил уапсен на 2 ноември во Патај под обвиненије за растурање на дрога.