Присутните на јадранската плажа Јаз, која се наоѓа веднаш до Будва, денеска попладне во паника се разбегале откако помислиле дека во морето здогледале ајкула, но на крај излегло дека станува збор за само една голема безопасна риба, пренесува Курир.рс.

Станувало збор за крупна риба „Иглун“, која е ценета во спортскиот риболов.

Откако повеќето пливачи почнале да бегаат, останал само храбриот Никола Маровиќ кој единствен влегол во морето и ја фатил рибата за која луѓето сметале дека е опасна.

Снимките од вознемирените пливачи на плажата Јаз набргу се појавија и на социјалните мрежи.

Според пишувањето на локалните медиуми, рибата на крај била вратена во морето.