Ова се најуспешните МАЖИ во Македонија за 2019 година! (ГАЛЕРИЈА)
Вчеравечер во хотелот „Хилтон“ во Скопје по вторпат се одржа изборот за „Маж на годината“ кој го организираше онлајн-магазинот Friday.mk.
Мислав Галер, извршниот директор на телекомуникациската компанија „А1“ е прогласен за маж на годината, а исто беше награден и со уште едно признание – Маж странец на годината.
Меѓутоа наградени беа уште дванаесетмина во различни области. Заменикот на градоначлникот на Скопје – Енвер Малиќи исто така доби две награди – Маж со трајни вредности и Маж со стил.
Најсилните аплаузи на вечерта ги доби моментално најголемата музичка ѕвезда во Македонија – Влатко Лозаноски–Лозано. Тој беше награден за Маж со најголем продонес во културата. Поп-ѕвездата ги почести присутните со неговите хитови – „Не те вадам јас од памет“ и „Километри“ и тоа во акустично пијано – верзија, а тоа беше момент кога гостите најмногу снимаа со мобилните телефони.
За менаџер на годината е прогласен Арсим Папарнику од компанијата „Нептун“, додека за млад менаџер (помлад од 30 години) наградата ја поделија Крис Поповски и Ненад Пантовиќ. За Маж со најголем придонес во општеството е Филип Ивановски.
По избор на социјалните медиуми, титулата маж на годината ја доби капитенот на РК Вардар Стојанче Стоилов, кој поради обврски не дојде на настанот. Наградата за Маж со најголем придонес во спортот ја освои фудбалерот Елиф Елмас, кој игра за Наполи, но во негово име наградата ја подигна потпаролот на ФФМ – Златко Андоновски.
Владимир Стајиќ беше избран за Маж на годината како менаџер до 40 годони, а Хедонист на годината Габриел Стибел. За Маж на годината по избор на организаторите е избран Божидар Јанкоски, познат како Бобо Дајнерс.
Погледнете како беше на вториот по ред избор за „Маж на годината“.
[foogallery id=”134806″]