ОВА Е ЗА ЦРВЕН: Роналдо како „Брус Ли“, а и реакцијата му е ХИТ! (ВИДЕО)
Јувентус мораше со пресврт да ја оствари и втората победа во Лигата на шампионите и заедно со Атлетико Мадрид се зацврсти на делба на првата позиција.
„Старата дама“ со трите бода против Локомотив Москва направи чекор напред кон обезбедување на една од првите две позиции во групата „Д“ од ЛШ за пласман во нокаут-фазата.
После првото полувреме водеше рускиот претставник со погодокот на Миранчук за шок кај гледачите на трибините во Торино.
Но, во вториот дел следуваше целосен пресврт благодарение на Пауло Дибала кој за период од две минути ги обезбеди трите бода на италијанскиот шампион.
– Моментот кога Роналдо го удира Гиљерме на 02:25 мин. од видеото:
Кристијано Роналдо, една од првите ѕвезди во Јуве, го одигра целиот меч, овојпат не беше меѓу стрелците и асистентите, но тој на секаков начин се обидува да го привлече вниманието.
Но, сега се пишува во негативен контекст за Португалецот. Италијанците имаа корнер во првото полувреме, кон топката истовремено тргнаа Роналдо и голманот на Русите, Гиљерме.
Чуварот на мрежата беше нешто побрз, ја острани опасноста, но не и доволно да го избегне карате ударот на Кристијано.
Португалскиот фудбалер веднаш се правдаше пред главниот судија дека одел кон топка, зачудувачки не доби ниту жолт картон за овој опасен удар, а вистински „хит“ му е непримерната реакција и се однесуваше како ништо да не се случило.