Цел Нови Пазар веќе три дена е во шок откако дознале дека нивниот сограѓанин настрадал на медениот месец, а се уште се дебатира дали оваа несреќа настанала случајно или Самир Тузинац се одлучил на чекорот кој го донел до смрт, пренесува Еспресо.рс. Според семејната приказна, караница, сепак немало, а Самир настрадал додека неговата сопруга била во купатило.

Демантирана е приказната, која ја пренесоа некои турски медиуми, дека младоженецот имал расправија со својата сопруга, па потоа импулсивно скокнал од 6-ти спрат на хотелот.

Нови вести од Нови Пазар носи еден фамилијарен пријател. Како што тој напишал, сопругата се вратила дома, како и мајката на Самир, која инаку е угледна професорка во едно основно школо.

Трагедијата добро ја поднесуваат, а погребот, на кој се очекува многу народ, ќе биде утре.

Како што напишал пријателот, мајката рекла дека Самир паднал од терасата која била ниска, а обдукцијата ќе покаже дали се сплеткал или бил намерен чин.

– Прво паднал на металната тенда, која била само 2,5 метри под терасата. Паднал свртен со лицето надоле – прераскажува пријателот.

Познато е дека и со својата сопруга, со која се венчал само една недела порано, не се скарал.

– Пратил слика на фамилијата и покажуваше колку им е убаво во Турција. Сопругата влегла во купатило, а тој излегол на тераса. Кога таа излегла, прво помислила дека тој се сокрил од шега, но кога видела дека го нема, погледнала надоле и тогаш го видела – напишал семејниот пријател.