Силниот ветер кој синоќа дуваше со 100 километри на час го откорна покривот и на средното хемиско училиште Марија Кири Склодовска, а булеварот Партизански одреди до 3 часот по полноќ беше блокиран од покрив кој падна од станбена зграда.

Кровот на Хемиско е “реконструиран” во 2009 година, кога министер беше Никола Тодоров и тоа од страна на министерството. Квалитетот на “реконструкцијата” е видлив на фотографијава, пишува Шилегов.

Во септември на социјалните мрежи градоначлникот Шилегов го промовираше новиот изглед на училиштетот претставувајќи го како нов стандард во образованието.

-Годинава, ние ја реконструиравме фасадата на училиштето (енергетски ефикасна). Како што гледате, фасадата е во одлична состојба, што богами, за фасадите од Ск 2014 не може да се рече- стои во постот на Шилегов.