Денеска имаше демант од холандската амбасада, а и холандскиот министер за надворешни работи во парламентот ја потврди нивната поддршка кон нас која е недвојбена, вели министерот за надворешни работи, Бујар Османи откако во бугарските медиуми се појави информација дека Данска и Холандија се приклучиле кон ветото на Софија. Тој нагласи дека несогласување за преговарачката рамка има единствено Бугарија.

Одговарајќи на новинарските прашања, Османи откри дека наскоро специјалниот претставник Владимир Бучковски ќе започне да остварува средби во Софија.

– Предлогот за специјален претставник да е Владимир Бучковски беше мој, на МНР заедно со премиерот, со цел да се врати довербата во Договорот меѓу двете земји, во услови кога немаме амбасадор во Софија. Тоа е порака дека сме сериозно посветени на билатералните односи и Бучковски треба наредната недела да отпатува во Софија, изјави Османи.