Оскаровецот Куба Гудинг Џуниор се спогоди со жената која го обвини за силување
Актерот Куба Гудинг Џуниор се спогоди со неименувата жена, која го обвини дека ја силувал во хотелска соба во Њујорк во 2013 година, пренесува „Би-би-си“.
Имено, веста за спогодбата се објави кога требаше да започне изборот на поротата за федералното граѓанско судење, на кое се очекуваше лош исход за актерот.
Познатиот актер тврди дека сите интеракции со споменатата жена биле со нејзино одобрување. Тој бил обвинет за сексуално малтретирање од неколку жени, а минатата година се изјасни за виновен по обвинението дека бакнал жена без нејзина согласност.
Инаку, со оваа спогодба, оскаровецот избегна судење во кое се очекуваше да бидат вклучени и сведочењата на уште три жени, кои наводно сексуално ги малтретирал меѓу 2009 и 2019 година.