Веќе многумина предвидуваат дека Џејми Варди ќе ја заврши професиолната кариера на „Кинг Пауер“ стадионот.

Иако срамежливо се најавуваше дека ова лето 35-годишниот играч би можел да направи трансфер во Манчестер јунајтед, но тоа нема да се реализира.

Денеска Лестер сити потврди дека искусниот напаѓач потпиша нов договор според кој ќе остане во клубот до лето 2024 година.

Стекна статус кога во 2012 година дојде од редовите на нисколигашот Флитвуд, па стигна до дресот на англиската репрезентација и сензационално ја освои Премиер лигата со „лисиците“.

Одигра 387 мечеви во сите натпреварувања, постигна 164 голови и моментно е третопласиран на вечната листа најдобри стрелци на клубот.

Претходно се поврзуваше и со преселба во Арсенал, како и со Тотенхем каде што се споменуваше како можна замена за Хари Кејн.

Plenty more 🐐 to come 🤗#VardyParty2024

— Leicester City (@LCFC) August 20, 2022