Официјално: Спировски е нов фудбалер на украинскиот Мариупол
Уште во средата од ФФМ информираа дека македонскиот репрезентативец ја продолжува кариерата во Украина, а тоа денеска го потврдија и од клубот.
Мариупол го промовираше новото засилување Стефан Спировски кој ќе ги брани боите на екипата до крајот на оваа сезона.
После осум кола Мариупол во најсилното украинско првенство моментно е на претпоследната 15 позиција со четири бодови, 18 помалку од водечкиот Динамо Киев.
Во својата клупска кариера Спировски играше за Пелистер, Борац, Берое, Вардар со кој трипати беше шампион, а во сезоната 2016/17 беше прогласен за најдобар фудбалер на годината во нашата земја.
Се пресели во Ференцварош со кој стана шампион на Унгарија (2018/19), во 2019/20 беше дел од Хапоел Тел Авив, а лани настапуваше за АЕК Ларнака.
За најдобрата македонска репрезентација досега има 41 настап и еден погодок.