Македонскиот репрезентативец Спировски ја продолжува кариерата во Украина
До крајот на минатата сезона Стефан Спировски беше дел од кипарската екипа на АЕК Ларнака, а годинава ќе има нов интернационален клуб.
Нема и натаму потврда од клубот, но од Фудбалската федерација на Македонија (ФФМ) информираат дека во новата сезона 31-годишниот играч од средниот ред ќе настапува за украинскиот тим на Мариупол.
Во својата кариера фудбалерот од Битола освен за АЕК Ларнака, беше дел уште од Пелистер, Борац Чачак, Работнички (позајмица), Берое, Вардар, Ференцварош и Хапоел Тел Авив.
За најдобрата македонска репрезентација има досега вкупно 40 настапи и еден погодок.
Во најсилното украинско првенство после осум одиграни натпревари сезонава Мариупол е моментно на претпоследната 15 позиција.