Официјално: Гатузо повеќе не е тренер на Валенсија
Легендарниот Џенаро Гатузо од денес и официјално повеќе не е тренер на Валенсија, потврди шпанскиот клуб.
Гатузо се раздели со клубот по состанокот со претседателот Лајхун Чан. На состанокот Гатузо ги претставил своите замисли за засилувања во финишот од преодниот рок, но првиот човек на клубот не можел да вети дека истите ќе бидат исполнети.
Италијанскиот стратег пред се сакаше да му биде доведе играч за врска, се поврзуваше и со нашиот репрезентативец, Аријан Адеми. Сепак, проблемите со финансиите со кои Валенсија се мачи подолго време беа пречка за клубот да доведе засилувања.
Засега нема најави кој би можел да го наследи Гатузо на кормилото на „лилјаците“.
Official Statement I Gennaro Gattuso https://t.co/eT7c1AYiC4 pic.twitter.com/L8r8XRIsIw
— Valencia CF (@valenciacf_en) January 30, 2023