Двајцата селектори Благоја Милевски и Ханси Флик одлучија со кои 11 имиња ќе го стартуваат вечерва натпреварот (20.45 часот) од квалификациите за пласман на Светското првенство помеѓу Македонија и Германија.

Нашиот селектор Милевски ќе му даде шанса на Јаховиќ да стартува од првата минута во делот на нападот каде што ќе бидат уште Елмас и Чурлинов.

Во средниот ред ќе бидат Костадинов, Николов и Адеми, во одбраната С. Ристовски, Муслиу, Д. Велковски и Алиоски, а Димитриевски на голманската позиција.

Од клупата шанса за настап ќе чекаат Илиев, Шишковски, Тодороски, Ашковски, Ристевски, Трајковски, Атанасов, Зајков, Ракип, Серафимов, Спировски и Миовски.

Германскиот стратег Флик ќе напаѓа со Вернер, зад него се Хаверц, Милер и Гнабри, во средината Кимих и Горецка, во дефанзивниот дел Раум, Керер, Зуле и Клостерман, а Нојер ќе застане меѓу двете стативи.

Замени во германскиот состав се: Лено, Тер Штеген, Шлотербек, Гинтер, Ројс, Мусиала, Нојхаус, Ј. Хофман, Сане, Адејеми и Вирц.