Обединетите Арапски Емирати првпат испраќаат жена-астронаут во вселената
Обединетите Арапски Емирати првпат во својата историја испраќаат жена на обука за астронаут во НАСА за идните истражувачки мисии во вселената, напиша на Твитер премиерот и потпретседател на ОАЕ, шеик Мохамед бин Рашид Ал Мактум.
Нура ал-Матруши е првата жена избрана за астронаут, заедно со Мохамед ал-Мула меѓу група од над од 4 000 потенцијални кандидати. Таа на социјалните мрежи ја изрази својата благодарност и возбуда што е избрана.
We announce the first Arab female astronaut, among two new astronauts, selected from over 4,000 candidates to be trained with NASA for future space exploration missions. Congratulations Noura Al Matrooshi and Mohammed Al Mulla. pic.twitter.com/bfyquyzqAJ
— HH Sheikh Mohammed (@HHShkMohd) April 10, 2021
– Настојувам да работам напорно за да ги забележам овие историски моменти и достигнувања засекогаш во меморијата на нашиот народ, напиша Ал-Матруши.
Според „Араб Њуз”, четворица астронаути биле избрани од ОАЕ, а другите двајца се Султан ал-Нејади и Хаза ал-Мансури, кој е првиот човек од Емиратот што летал во вселената.