Нуркиќ подобар во балканската пресметка против Јокиќ, Лејкерси го освоија Западот и се опуштија (ВИДЕО)
Портланд го совлада Денвер и ја продолжи битката за осмото место во Западната конференција со Мемфис гризлис.
Портланд славеше со 125:115, а иако Лилард доминираше со 42 поени и 12 асистенции, натпреварот го одбележа дуелот на центрите, Јусуф Нуркиќ од едната страна и Никола Јокиќ од другата.
Токму Нуркиќ со пет поени и една асистенции во серијата од 13:2 во последната четвртина, беше најзаслужен за победата на неговиот тим со која остана во трката за осмото место на Западот.
Нуркиќ постигна 22 поени, а на спротивната страна Мајкл Портер постигна 27 поени, додека Јокиќ натпреварот го заврши со осум поени и 13 скокови.
ЛА Лејкерс се опушти откако ја обезбеди првата стартна позиција во Западот во плејофот и го доживеа вториот пораз во низа, овој пат од Хјустон со 113:97.
Лејкерси настапија без Леброн Џејмс, а „ракетите“ уште во првото полувреме дојдоа до предност од 15 поени и до крајот го контролираа резултатот и не дозволија победата да им биде загрозена.
Џејмс Харден беше одличен со 39 поени и 12 скокови, додека кај Лејкерси Кајл Кузма уфрли 21 поени, а Ентони Дејвис дадде 17 поени.
Вториот тим од Лос Анџелес, Клиперси во последната четвртина ја осигураа победата над Далас од 126:111. Тие последните 12 минути ги решија во своја корист со 35:24, а клучна беше серијата од 12:2.
Каваи Ленард беше најпрецизен со 29 поени кај клиперси каде брилјираше Хрватот Ивица Зубац со 21 поен и 15 скокови, додека во редовите на Далас, Порзингис постигна 30 поени, а Лука Дончиќ еден помалку.
Резултати:
ЛА Клиперс – Далас 126:111
Портланд – Денвер 125:115
ЛА Лејкерс – Хјустон 97:113