Нови антивладини протести во Чиле, уапсени речиси 300 лица (ВИДЕО)
Протестите се честа појава во Чиле во март бидејќи луѓето тогаш се враќаат од своите летувања. Оваа година ќе се одбележи 30-годишнина од крајот на воената диктатура која траела од 1973 до 1990 година, како и Меѓународниот ден на жените.
Бран на насилство синоќа повторно изби во Чиле, предизвикувајќи до стотина апсења и прекини во јавниот превоз во престолнината Сантиаго.
Во тој шест милионски град, демонстрантите ги примораа властите да затворат неколку станици на подземната железница, а поставија и запалија барикади на неколку главни улици во градот, поради што се запрени и автобуските линии.
#Chile | March has kicked off and anti-government demonstrations get massive again. pic.twitter.com/pWIR3ZYjrl
— teleSUR English (@telesurenglish) March 3, 2020
Министерот за внатрешни работи Гонзало Блумел на службениот Твитер профил на министерството објави дека полицијата уапсила 283 лица по судирите во кои демонстрантите гаѓале со камења и цигли кон полицијата.
Повредени се 76 полицајци, а нападнати се неколку полициски станици, рече Блумел. Насилни протести се забележани и во градовите Антофагаста, Темекула и Консепсион.
Протестите се честа појава во Чиле во март бидејќи луѓето тогаш се враќаат од своите летувања. Оваа година ќе се одбележи 30-годишнина од крајот на воената диктатура која траела од 1973 до 1990 година, како и Меѓународниот ден на жените.
Chilean anti-government protesters clashed with the police over the weekend as they hit the streets of Santiago amid renewed anger over the right-wing government's repression and neoliberal policies. pic.twitter.com/jKygzQLeMf
— redfish (@redfishstream) March 2, 2020
Протести во оваа јужноамериканска земја избија во октомври и траеа од декември. Граѓаните го покажаа незадоволството од социјалната нееднаквост и власта на претседателот Себастијан Пинера, еден од најбогатите луѓе во оваа земја.
Тогаш загина најмалку 31 лице, повредени се неколку илјади, а уапсени се уште десетина илјади, покажуваат податоците на владата.