15 C
Скопје

Нова книга: Сегмент од историјата на македонско-хрватските културни врски

Научно-истражувачкиот труд „Хрватски театарски актери и режисери што работеле во Македонија од 1913 до 1941 година“ на писателот, публицист и истражувач Зоран Пејковски е неговата 50-та книга. Тој е еден од поангажираните писатели во македонската литература, добитник е на повеќе домашни и странски награди и признанија, а неговиот книжевен дијапазон опфаќа драмски, поетски, прозни, публицистички и научни остварувања. Рецензент на неговата нова книга е проф. д-р Димитар Пандев.

– Во научно-истражувачкиот труд „Хрватски театарски актери и режисери што работеле во Македонија од 1913 до 1941 година“ даден е само еден мал дел од сето она што се случувало на македонските сцени во односниот период, преку имињата на театарските дејци кои прераснале во легенди, зашто непокорот што им бил судбина, од светлините на европските културни центри што морале да ги напуштат поради прекројување, не само територијално, на европската мапа, како и од нивните родни места, во кои биле принудени да се почувствуваат излишни, ќе ги одведе во Македонија. Хрватските театарски актери ќе ја продлабочат историската димензија на културните врски меѓу Хрватска и Македонија и ќе се вложат во културните достоинства на македонскиот театар. И ќе донесат дел од европската култура во Македонија. Трудот на Зоран Пејковски спасува од заборав многумина од нив, го освежува нивниот драмски подвиг и ја зацврстува историјата на македонско-хрватските културни врски во еден досега недоволно допрен сегмент – констатира Пандев.

(Текстот е објавен во „Културен печат“ број 77, во печатеното издание на „Слободен печат“ на 17-18 април 2021)

Поврзани вести

Џез-перспективи: Основањето на „ЗЏМ Рекордс“ дојде сосема природно

Тони Димков

Поздрав од Скопје: Десет дизајнерски приказни од „Шизик на ризик“

Тони Димков

Преведена литература: Два тома за македонските поезија и проза се објавени во Србија

Тони Димков

Проект „Превод во движење“ на „Готен“

Тони Димков

Интервју со писателката Румена Бужаровска: Расказот е форма во која сум вљубена

Тони Димков

Ѕидна уметност: Мурал како подарок од Кралството Холандија на Градот Скопје

Тони Димков

Остави Коментар