Извештај од мобилниот оператор, чиј корисник е Зоран Марјановиќ осомничен за убиството на неговата сопруга пејачка Јелена, може да ги разниша клучните докази против него. Во извештајот кој е пристигнат во Вишиот суд во Белград се наведува дека Марјановиќ физички не го исклучил својот телефон и дека повторното вклучување на намерно исклучениот телефон би било регистрирано од телефонската мрежа.

Во ноември минатата година, судскиот експерт за телекомуникации пред судот изјавил дека Марјановиќ намерно го исклучил мобилниот телефон за време на убиството на неговата сопруга Јелена. Сепак, изјавата добиена од мобилниот оператор, која е пристигната во судот, може да доведе до пресврт во случајот, пишува српски Курир.

Јелена Марјановиќ беше убиена на 2 април на насипот во белградската приградска населба Борча. На таа локација според истраќителите џогирал и нејзиниот сопругот, обвинет за злосторството. Според обвинението, Зоран ја претепал сопругата. Таа паднала во насипот на реката Дунав, а следниот ден нејзното тело било пронајдено во блискиот канал.