Нов концепт на исхрана за специјални полициски единици
Министерот за внатрешни работи Оливер Спасовски денеска изврши увид во функционирањето на новиот концепт на исхрана на полицијата од повеќе специјални единици во полицискиот центар „Ѓорче Петров“. Како што соопшти Спасовки, новиот концепт се применува веќе една недела и во мензата на Единицата за брзо распоредување, а според него се покажал како успешен и во рамки на Специјалната антитерористичка единица – „Тигар“.
Воспоставувањето на новиот концепт во кујната и ресторанскиот дел, како што потенцираше министерот се спроведени по претходна транспарентна набавка.
Денеска, кујната и ресторанскиот дел се отстапени на економски оператор по претходно спроведена транспарентна јавна набавка каде од операторите се бараше да исполнат високи стандарди, со воспоставен контролен механизам од страна на МВР. Со ова обезбедивме квалитетна услуга во делот на исхраната за припадниците на специјалните полициски единици, набавката на храна се одвива на поедноставен начин од страна на професионален оператор чија што примарна дејност е работа во областа на исхраната, кој пак е должен да ги следи и имплементира високите стандарди во овој процес, изјави тој.
Додаде дека еден од стратешките приоритети со доаѓање на функцијата министер за внатрешни работи е токму и целосното опремување и унапредување на условите за работа на полициските службеници.
Функционирањето на безбедносниот систем е основа за функционирање на правната држава со тоа и на економијата и прогресот на државата и во таа насока продолжуваме да ја реформираме и унапредуваме полицијата, вели министерот Спадовски.