Нов бизнис на Џордан: Формира тим во Наскар серијата
Легендарниот Мајкл Џордан и тројниот победник на Дејтона 500 трката, Дени Хемлин ги здружија силите и формираа тим во Наскар купот.
Засега новиот тим на Џордан и на Хемлин ќе има само еден возач, Баба Валас кој е единствен црномурест возач во Наскар, додека легендарниот НБА кошаркар ќе биде вториот Афроамериканец кој е сопственик на тим.
На почетокот од годината, Валас имаше кампања против истакнување на знамето на Конфедерацијата на трките во Наскар и успеа да добие поддршка од останатите возачи во бробата против расната нееднаквост.
Tonight, I’m excited to announce MJ and I are starting a new, single car @NASCAR Cup Series team for 2021. Deciding on a driver was easy – it had to be @BubbaWallace. pic.twitter.com/nIJv0X6ZOX
— Denny Hamlin (@dennyhamlin) September 22, 2020
Мајкл Џордан при формирањето на тимот истакна дека планот му е со тимот да ја едуцираат новата публика и да создадат повеќе можност за Афроамериканците во авто-мото спортот.
– За време на историјата Наскар се мачеше со разновидноста и имаше само неколку црномурести сопственици на екипите. Мислам дека сега е идеалното време да се направи ваков тим бидејќи Наскар еволуира и ги прифаќа социјалните промени – изјави Џордан.
Валас пред неколку месеци беше цел на напад на расна основа кога во неговата гаража беше пронајдено јаже за бесење, но истрагата на ФБИ покажа дека јажето долги години стоело во гаражата и дека со него се затвора вратата.
– Ова е неверојатна можност за мене која се добива еднаш во животот – изјави Валас.
Тимнот на Џордан и Хемлин во Наскар ќе дебитира наредната година, а името, бројот и кој автомобил ќе го вози Валас ќе биде објавено дополнително.