Носење на маска на отворено од вчера е задолжително во Шпанија
Во Шпанија, како дел од борбата против ковид-19, од вчера е задолжително носење на маска на целата територија, дури и кога има дистанца од 1,5 метри. Тоа значи дека маски ќе се носат дури и во парковите и на плажите.
– Важно е граѓание да знаат дека не треба да се опуштаат. Не можеме да дозволиме да бидеме невнимателни, истакна портпаролката на шпанската Влада, Марија Хесус Монтеро.
Таа додаде дека маски не мора да носат само спортистите, ако тоа го дозволат регионалните власти.
Носењето маска во Шпанија е задолжително од мај минатата година. Но, досега тоа не беше пракса на отворено, каде можеше да се држи дистанца.