Њукасл пред два дена стана најбогатиот клуб на светот откако беше купен од страна на Саудискиот ивестициски фонд кој е под надчежност на принцот Мохамед бин Салман.

Новите сопственици на англискиот тим веќе се фатија за работа и почнаа да ги договораат првите трансфери. Приоритетна задача на управата е да се најде нов тренер бидејќи јасно е дека Стив Брус нема да остане долго на клупата.

Иако се најбогат клуб, Њукасл веќе ја доби првата корпа бидејќи и италијанските и англиските медиуми пишуваат дека првиот избор за клупата, Антонио Конте ја ја одбил понудата.

Следно име на списокот на желби е тоа на актуелниот менаџер на Ренџерс, Стивен Џерард, а потоа следуваат Пауло Фонсека кој минатата сезона седеше на клупата на Рома и Френк Лампард.

Што се однесува до играчите, во зимскиот преоден рок може да пристигне Мауро Икарди кој со доаѓањето на Лионел Меси го загуби местото во ПСЖ, како Филипе Кутињо.