ЛА Лејкерс се наоѓа на две победи од пласман во големото НБА финале кои би им било прво по пауза од 10 години. Лејкерси предводени од Леброн Џејмс и Ентони Дејвис имаат водство од 2:0 во победи против Денвер нагетс во финалето на Западната конференција.

Но, управата на ЛА Лејкерс не седи со скрстени раце и веќе се прават планови за наредната сезона кога „езерцата“ сакаат да ангажираат уште една голема НБА ѕвезда и да создадат голема тројка со која би доминирале во наредните години.

Во медиумите во САД се пишуваше дека Крис Пол од Оклахома сити тандерс ќе дојде во лејкерси, а се споменуваше и името на најдобриот играч во лигата, Јанис Адетокумпо, но управата има во план друго име.

Имено, „езерцата“ сакаат да го ангажираат бекот на Хјустон рокетс, Расел Вестбрук.
Поранешниот МВП играч на лигата, минатата година преку размена пристигна во Хјустон шампионските амбиции на „ракетите“ се распрснаа во второто коло од плеј-офдот кога загубија токму од ЛА Лејкерс со 4:1 во победи.

По новото разочарување, во Хјустон одлучија да направат реконструкција на тимот и неа ја започнаа со разделбата со тренерот Мајк Дантони, а според најавите на управата, единствено Џејмс Харден е сигурен дека и во иднина ќе остане во тимот.

Лејкерси сакаат да го искористат тоа и веќе подготвија понуда до Хјустон за да го добијат Расел Вестбрук.
Тие се подготвени во Хјустон да ги испратат ветераните Ражон Рондо, Дени Грин, Кентевиус Колдвел-Поуп и Џавал Мекги.