Нигерија: Ослободени 67 мажи измачувани во исламско училиште
Полицијата во Нигерија спасила 67 мажи, меѓу кои и неколку деца, од исламско училиште, во кое биле измачувани, пренесуваат тамошните медиуми.
Во рамките на истрагата, 67 мажи на возраст од 7 до 40 години биле пронајдени во училиштето.
Откриено е дека жртвите биле врзувани со синџири и биле нехумано третирани, стои во соопштението на нигериската полиција.
Една жртва истакнала дека тие биле и сексуално искористувани, а некои од нив биле тепани до смрт, во временски период од две години кој го поминале во тоа училиште.
Полицијата уапсила 78-годишен маж во врска со овој случај.
Исламските училишта, познати како Алмаџирис, се вообичаени во Нигерија, а според податоците на една невладина организација, околу 10 милиони деца посетуваат вакви училишта.
Нигерискиот претседател Бухари во јуни годинава изјави дека владата планира да ги забрани тие школи, но до денеска тоа не е направено.