Невремето во Грција одзеде два животи (ВИДЕО)
Медитеранскиот ураган Јанос, кој ја погоди централна Грција денеска, однесе два животи, предизвикувајќи поплави и материјална штета.
Според Ројтерс, безживотното тело на една постара жена е пронајдено во поплавена куќа во село во близина на градот Фарсала, а подоцна телото на 63-годишен маж е пронајдено недалеку од болницата во градот Кардица, но не е јасно дали тој е едно од двете лица кои претходно биле пријавени за исчезнати.
Во поплавената Кардица се урнал мост, а невремето денеска пристигна во поширокиот дел на Атина, но засега нема извештаи за штети.
Two dead, one missing after storm hits central Greece https://t.co/8a6vlm3Jl2 pic.twitter.com/blJ4VQtPc8
— jay (@jayphelan) September 19, 2020
Железничките линии помеѓу Атина и Солун се привремено прекинати.
Ураганот Јанос вчера го погоди западниот брег на Грција, соборувајќи дрвја и предизвикувајќи поплави и прекини на електричната енергија.