Невил удри по алчните премиерлигаши: Ова е криминал, исфрлете ги Јунајтед, Ливерпул и Арсенал од лигата
Легендарниот менаџер на Манчестер јунајтед, сер Алекс Фергусон е разочаран со иницијативата на неговиот клуб и уште пет англиски екипи да учествуваат во формирањето на европската Суперлига.
– Евертон троши 500 милиони фунти за изградба на нов стадион со амбиција да игра во Лигата на шампионите. Навивачите низ целиот свет ја сакаат Лигата на шампионите таква каква што е сега. Во моето време, Јунајтед играше во четири финалиња во ЛШ. Не сум сигурен дали Јунајтед е вмешан во ова бидејќи не сум дел од процесот на носење одлуки – изјави Фергусон.
Six English teams are expected to be part of plans for a breakaway European Super League, but what do we know so far?
We take a look at the key questions…⬇?
— Sky Sports News (@SkySportsNews) April 18, 2021
Далеку поостар во своите зборови беше поранешниот капитен на Манчестер јунајтед, Гери Невил.
– Навивач сум на Јунајтед 40 години, но сега сум вџашен. Од Јунајтед и од Ливерпул највеќе. Од Ливерпул, клубој кој никогаш нема да оди сам, клубот на народот…. Не сум против парите во фудбалот, и јас заработив од него и вложувам во него, но постојат некои принципи. Јунајтед не игра во ЛШ, Арсенал не игра во ЛШ, Тотенхем не игра во ЛШ и тие сакаат да бидат таму. Ова се циркуси – вели Невил кој додава дека на клубовите кои потпишале да бидат дел од Суперлигата треба да им се одземат парите но и бодови.
– Јунајтед и останатите клубови од големата шесторка кои се пријавија за Суперлигата се против Премиер лигата и треба да срамат. Би требало да им се одземат бодови и парично да се казнат. Ова е криминал, ова е казнено дело против фудбалските фанови. Дајте му ја титулата на Барнли, оставете го Фулам во Премиер лигата, а исфрлете ги Јунајтед, Ливерпул и Арсенал – додава Невил.