„Не можеме да стоиме настрана“: Бенедикт Камбербач ја осуди војната во Украина
Британскиот актер Бенедикт Камбербач ја доби својата ѕвезда на Булеварот на славните во Холивуд, објави „Daily Mail“.
Во својот говор, актерот повика на итна акција кога станува збор за климатските промени и потсети на болната загуба на сите лица кои починаа како последица на ковид-19. Меѓу другото, тој ја спомена и неговата сестра Трејси Пикок, која почина од рак минатата година.
„Би сакал да ја споменам мојата сестра која ја загубивме минатата година. Таа многу ќе го сакаше ова. Таа само ќе се смееше непрекинато цел пат и, веројатно, ќе плачеше. Се надевам дека од некаде горе, каде што сјаат вистинските ѕвезди, ти ме гледаш во моментов. Сигурен сум дека е така. Многу ни недостигаш“, изјавил тој.
View this post on Instagram
Камбербач ја искористи приликата за да ја осуди руската инвазија во Украина и повика на заедничка акција за запирање на понатамошниот руски воен напредок.
„Не можеме да стоиме настрана. Не е време за среброљубие, мрзливост или неактивност. Мораме да дејствуваме, а има работи кои можеме да ги направиме. Поддржете ги оние кои им помагаат на бегалците. Поддржете ги организациите за човекови права. Притискајте ги вашите политичари, вашата банка, вашите индустрии за да помогнат на секој начин што можат“, повика актерот.
View this post on Instagram
Бенедикт Камбербеч ја освои публиката ширум светот со својата улога во култната телевизиска серија „Sherlock“, а годинава е номиниран за филмската награда Оскар во категоријата „Најдобар актер“ за својот перформанс во филмот „The Power of The Dog“.