Поранешниот НБА кошаркар Иман Шамперт кој со Кливленд кавалирс во 2016 година ја освои титулата, е уапсен на аеродромот во Далас откако во неговиот багаж се пронајдени 200 грама марихуана и полна рамка за пиштол „Глок“ со 14 куршуми.

Шамперт е уапсен на аеродромот „Форт Ворт“ во Далас и доколку биде прогласен за виновен му се заканува затворска казна до две години како и парична казна од 10.000 долари.

Иман Шамперт во НБА влезе како 17 избор на драфтот во 2011 година и беше избран од Њујорк никс за кого играше до 2015 година. Наредните три години ги помина во Кливленд кавалирс каде во 2016 година заедно со Леброн Џејмс и Кајри Ирвинг ја освои шампионската титула.

Потоа играше и за екипите на Сакраменто кингс, Хјустон рокетс и Бруклин нетс за кого играше до минатата година.