Пред три дена калчолигашот од Неапол објави информација дека на 25 март ќе има утринска тренинг сесија.

Ваквата одлука наиде на бурни реакции кај навивачите на овој клуб кои сметаат дека поради епидемијата на коронавирусот, не е паметно во овој период „наполитанците“ да тренираат.

После Лацио, кој исто така доби критики поради најавите дека ќе тренира, денеска и екипата од „Сан Паоло“ донесе одлука да ги откаже закажаните тренинзи.

? La SSC Napoli comunica che l’attività sportiva è sospesa fino a data da destinarsi. La data di ripresa delle sedute di allenamento verrà stabilità in relazione all’evoluzione dell’emergenza sanitaria in materia di diffusione del Covid 19.
? https://t.co/jkSXcjiDQu pic.twitter.com/2Hjb1CKUjt

— Official SSC Napoli (@sscnapoli) March 23, 2020

– Наполи сака да ве извести дека сите спортски активности се суспендирани на неодредено време. Датумот на новиот почеток на тренажниот процес ќе биде објавен во согласност со развојот на здравствената и безбедносната состојба, и со вирусот „Ковид-19“ – соопштија од Наполи.

До прекинот на сезоната во италијанската Серија А македонскиот репрезентативец Елиф Елмас и неговите соиграчи се наоѓаа на шестото место со 39 бодови.

Во Италија се потврдени повеќе од 60.000 активни случаи на коронавирус, излечени се повеќе од 7.000 лица, а починати над 6.000.