Како што информираат медиумите од Апенините, управата на Наполи го казни бразилскиот фудбалер Алан со 200.000 евра, што е половина од неговите месечни примања.

Т.н. акција „Карантин“ би требало наскоро да добие епилог, Де Лаурентис одлучи финансиски да казни неколку фудбалери. Алан е казнет поради конфликтот со синот на газдата, Едо де Лаурентис после натпреварот со Салцбург.

Но, италијанските медиуми пренесуваат дека казната е противзаконска, бидејќи по членот 11 на колективниот договор, никој не може да биде казнет со повеќе од 25% месечна заработка, а на Бразилецот му е одземена половина од примањата.

Неодамна првиот човек на клубот, Аурелио де Лаурентис најави дека ќе ги „дисциплинира“ фудбалерите и дека казни ќе има од 20.000 до 225.000 евра. Според „Кориере дело Спорт“ казната на сите играчи ќе изнесува околу 2.500.000 евра.

Конфликтот меѓу управата и играчите на Наполи трае веќе подолг период и истиот изгледа нема намера скоро да заврши. Наполи е без победа веќе шест месеци, откако во саботата ремизираше 1:1 на „Сан Сиро“ против Милан.