Британската полиција соопшти дека осомничениот за нападот во синагога во Манчестер, Северна Англија, се верува дека е 35-годишниот Џихад ал-Шамие, британски државјанин од сириско потекло.

„Веруваме дека лицето одговорно за денешните напади е 35-годишниот Џихад ал-Шамие.

„Тој е британски државјанин од сириско потекло“, соопшти полицијата во Манчестер, објави Ројтерс.

Ал-Шамие беше застрелан од вооружени полицајци откако со автомобилот се удри во пешаци и уби најмалку едно лице во близина на синагога за време на еврејскиот празник Јом Кипур.

Полицијата додаде дека тројца осомничени, двајца мажи на возраст од 30 години и една жена на возраст од 60 години, моментално се во притвор и се „уапсени под сомнение за извршување, подготовка и поттикнување терористички акти“.

Три лица беа убиени, вклучувајќи го и напаѓачот, кој беше застрелан од полицијата, во напад во близина на синагога во Манчестер вчера, објави Танјуг.

Нападот со автомобил и нож се случи во близина на синагогата на хебрејската конгрегација Хитон Парк за време на еврејскиот празник Јом Кипур.