Најмалку осум лица биле избодени со нож во напад што се случил во шведската општина Ветландa, пренесуваат светските медиуми.

Како што пренесува „Спутник“, локалните медиуми тврдат дека според првите информации станува збор за наводен терористички напад.

– Според извештаите во медиумите, маж на 20-годишна возраст бил осомничен за нападот. Тој бил застрелан од полицајци за време на апсењето, изјави портпаролката на полицијата Анџелика Исраелсон Силвер.

#BREAKING Eight people wounded in stabbing attack in #Vetlanda, #Sweden. Police say it was a terror attack pic.twitter.com/GnMoGPiSYX

— Guy Elster (@guyelster) March 3, 2021

Таа посочи дека засега не е позната тежината на неговите повреди, но рече дека полицијата го гледала во болницата каде што бил сместен.

За време на полициската акција, неколку делови од Ветландa беа блокирани, вклучително и областа околу железничката станица. Железничкиот сообраќај првично беше запрен поради инцидентот, но истиот беше обновен во намален капацитет, пренесува СВТ.

#BREAKING
8 people were wounded in a stabbing attack in Sweden’s Vetlanda.

▪️Police says attack could be “terror-related”.
▪️Suspect was shot and arrested by police. pic.twitter.com/cprBPRxwTs

— EHA News (@eha_news) March 3, 2021

Засега нема индиции дека напаѓачот имал соучесници, а органите за спроведување на законот објавија дека ситуацијата во тој дел на Шведска е под контрола.

Според СВТ, полицијата примила пријава за инцидентот околу 15 часот по локално време, а граѓаните велат дека неколку лица биле нападнати со секира.

Локалните медиуми наведуваат дека полицијата првично го истражувала обидот за убиство, но потоа злосторството било претворено во можен терористички напад.

Извор: Телеграф.рс