Најдобриот шахист во светот доаѓа во Струга, Карлсен ќе игра на Европскиот Куп
Од 17. до 25. септември во Струга ќе се одржи 36-тото издание за мажи и 25-тото за жени на Европски клупски Куп (ЕКК) во шах. Ова е најелитното натпреварување во шах и во рангот на фудбалската Лига на шампионите.
На турнирот во Струга ќе настапат најдобрите шаховски екипи од Европа, а приматот на прва ѕвезда ќе го има најдобриот шахист на светот и актуелен светски шампион Магнус Карлсен којк ќе настапи за Оферспил.
Досега се пријавени 38 клуба во машка конкуренција, со 238 шахисти, од нив 79 велемајстори (ВМ), а во женска конкуренција девет клуба со 30 шахистки (седум ВМ).
Македонија ќе има четири свои претставници кај мажите: Алкалоид, кој е еден од фаворитите за трофејот, како и Гостивар, Прилеп и Гамбит Асеко. Кај дамите пак ќе се натпреваруваат Алкалоид, МШК Центар и Куманово.