Турција нема да размислува да испрати војници и да даде воена поддршка на Азербејџан, доколку Баку се обрати со такво барање до Анкара, изјави турскиот потпретседател, Фуат Октај.

Тој за „Си-Ен-Ен Турк“ рече дека Азербејџан досега не побарал помош од Турција во борбите со етничките Ерменци во областа Нагорно-Карабах.

Ерменскиот премиер, Никол Пашинјан претходно истакна дека дипломатските напори за решение на конфликтот во Нагорно-Карабах се исцрпени.

Турција вети целосна солидарност со Азербејџан и ја обвини Ерменија за окупација на азербејџанска територија.

Октај во интервјуто упати критики и за Минск групата на ОБСЕ што ја предводат Русија, Франција и САД поради наводни обиди за задржување на нерешена ситуација во Нагорно-Карабах и за политичка и воена поддршка на Ерменија.