1 C
Скопје

На протестите во Барселона повредени 80 и уапсени 33 лица

Шпанските власти соопштија дека 80 лица, меѓу кои и 46 полицајци, се повредени за време на синоќешните протести против затворските казни за поранешните лидери на сепаратистите во Каталонија.

Уапсени биле 33 лица, а четворица демонстранти се обвинети за нереди на јавно место.

Шпанскиот премиер Педро Санчез денеска свика состанок со претставници на Министерството за внатрешни работи и други локални власти за да се процени безбедносната состојба Каталонија.

Вчера, на третиот ден од протестите во Барселона против пресудите за лидерите на каталонските сепаристи, повторно дојде до судир меѓу демонстрантите и полицијата.

Демонстрантите палеле контејнери и автомобили во близина на одделот за внатрешни работи на регионалната Влада во главниот град на Каталонија, а полицијата со пенест гас се обидела да ги растера.

Прочитајте и...  За ЕУ нема алтернатива, членство во ЕЕЗ е само преодно решение

Демонстранти од повеќе градови во Каталонија вчера почнаа протестен марш со цел до утре да стигнат до Барселона.

Протестите почнаа во понеделникот, откако Врховниот суд во Мадрид осуди деветмина поранешни каталонски политичари и активисти на девет до 13 години затвор за нивната улога во неуспешното прогласување независност на Каталонија во 2017 година.

Поранешниот премиер на Каталонија, Ориол Џункуерас е осуден на 13 години затвор поради бунт и злоупотреба на јавните фондови за одржување референдум за независност на Каталонија.

Поврзани вести

Арсовски: Коста Петров троши 200 илјади евра за себепромоција

Соња Христовска Угриновска

Приведено лице за реметење на редот на паркингот на Клинички

Полард: Годинава ќе има многу нови мутации на коронавирусот

Слободен печат

Уапсен охриѓанец во чиј клуб полицијата затекнала Русинки и Украинки „на црно“

Слободен печат

ОН: Поради пандемијата лани имало два милиона помалку бегалци

Слободен печат

Беровец измислил дека е киднапиран и изнудил 10.000 евра од татка си, полицијата го привела

Слободен печат

Остави Коментар