Мурињо не се откажува од трофеите: Колку време им требаше на Клоп и Ливерпул?
Португалецот кој седи на клупата на Тотенхем е убеден дека со лондонскиот тим ќе освојува трофеи.
Мурињо го презеде Тотенхем во ноември минатата година кога го наследи Маурицио Покетино и потпиша договор со 2023 година.
Засега на Португалецот не му цветаат розите, екипата игра слабо и лесно може да се случи да остане и без настап во Лигата на Европа, но Мурињо не е премногу загрижен.
– Колку време им требаше на Јирген и на Ливерпул? Четири години, четири сезони. Го купија најдобриот светски голман, најдобриот дефанзивец… Фокусиран сум на својот тригодишен договор и веруванм дека во тој период ќе освоиме трофеи – вели Мурињо.
Кога станува збор за претстојниот преоден рок Мурињо откри дека нема да има буџет од 100 милиони фунти за засилувања, колку што екипата издвои минатото лето.
– Јас работам за клубот, повторувам дека моите амбиции се исти, но сега сум во период во која помалку се гледам себе си и своите рекорди, а повеќе учинокот на клубот. Оптимист сум и убеден сум дека ќе направиме одредени промени во тимот и за тоа нема да ни бидат потребни многу пари како што беше случај минатото лето – додава Мурињо.