Телото на мажот било пронајдено на 2 февруари во грмушка во близина на улица во австралискиот град Брули со бројни повреди на главата и лицето, а полицијата деновиве уапси тројца тинејџери под сомнение дека го сториле злосторството.

Како што пренесуваат локалните медиуми, се верува дека тинејџерите стапиле во контакт со Питер преку една позната интернет страница за запознавање, а после допишувањето договориле средба.

„Осомничените со жртвата комуницирале преку една позната апликација за запознавање. Запленети се нивните телефони и компјутери, а истрагата треба да покаже во која насока одела таа комуникација“, соопштија од тамошната полиција.

Се верува дека момчињата намерно го намамиле Питер затоа што верувале дека е педофил и намамува млади деца. Поради тоа, го претепале до смрт.