Младите фудбалери на 3. септември ќе играат против европскиот шампион
УЕФА по одредувањето на календарот за репрезентативните настапи на сениорите, ги одреди и термините кога репрезентацијата до 21 година ќе ги продолжи настапите во квалификациите за Европското првенство.
Младите надежи своите настапи ги продолжуваат на 3. септември кога во Скопје доаѓа актуелниот европски шампион, селекцијата на Шпанија, а во септемврискиот циклус избраниците на селекторот Благоја Милевски ќе играат и со Фарски Острови и тоа на гости.
Македонија се наоѓа во група со Шпанија, Израел, Црна Гора, Казахстан и Фарски острови и по четири наптревари има освоено седум бода.
Во октомври младите фудбалери прво ќе му гостуваат на Казахстан, а потоа ќе ја пречекаат Црна Гора, додека квалификациите завршуваат во ноември со дуелите против Израел.
Распоред на натпревари за репрезентацијата до 21 година
3 септември Македонија – Шпанија
8 септември Фарски Острови – Македонија
8 октомври Казахстан – Македонија
13 октомври Македонија – Црна Гора
12 ноември Израел – Македонија
14/15/17/18 ноември Македонија – Израел