Денеска Партизан на својот официјален веб сајт ја информираше јавноста дека е продолжена соработката со младиот репрезентативец на Македонија, Марко Симуновиќ (20).

Нашиот играч настапува на позицијата десен бек, и како што соопштуваат од српскиот гигант преостанатиот дел од тековната сезона ќе го продолжи со настапи во ФК Телеоптик.

Неговиот претходен договор истече на лето, а со последната одлука, управата не дозволи играчот да си замине без обештетување и можно е да добие повеќе шанси во наредниот период.

Имајќи предвид дека тој е сè уште млад, се проценува дека е најдобро за развојот на Симуновиќ да добие минутажа во филијалата, Телеоптик, под стручен надзор на тренерот Алберт Наѓ и да се види наредното лето дали заслужува трансфер во првиот тим.

Беше дел од У16 и У17 селекциите, а лани и како У21 репрезентативец со два контролни натпревари против У19 на тренинг кампот во Охрид кој го организираа Милевски и Арслани.

Партизан го ангажираше од скопски Вардар, а играше на позајмица во Сетубал, Раковица и Рад.