Мистериозното појавување на пакети со чист кокаин на плажите во Франција надлежните се уште не можат да го разјаснат – Слободен печат
ВестиПланета

Мистериозното појавување на пакети со чист кокаин на плажите во Франција надлежните се уште не можат да го разјаснат

Кокаинот е особено чист и поради тоа многу опасен, според информациите од канцеларијата на обвинителот во градот Рен, кој ги повика граѓаните доколку забележат ваков пакет, да не го допираат и веднаш да пријават во полиција.

Француската полиција истражува како „зналитечни количини“ на кокаин и други дроги се појавија на плажите на брегот на Атлантскиот Океан во изминатите недели. Нови пакети продолжуваат да се појавуваат секој ден, пренесе „Гардијан“.

Кокаинот е особено чист и поради тоа многу опасен, според информациите од канцеларијата на обвинителот во градот Рен, кој ги повика граѓаните доколку забележат ваков пакет, да не го допираат и веднаш да пријават во полиција.

– Сомнителни пакети се пронајдени на многу плажи, некои оддалечени повеќе од 500 километри една од друга – стои во изјавата на канцеларијата на обвинителот.

Околу 14 килограми дрога, запакувана во пакети, беше пронајдена во местото Лор-Атлантик само во неделата. Вкупно, повеќе од 760 килограми дрога со потенцијална вредност од над 60 милиони евра „исплива“ на бреговите, внимателно завиткана во проѕирни или пластични кеси.

Јавниот обвинител од Рен смета дека голема е веројатноста дрогата да содржи кокаин од Јужна Америка.

– Ова е многу чист продукт кој не смее да се консумира во оваа форма бидејќи претставува голем ризик за предозирање – смета обвинителот.

Полицијата истражува дали брод кој криумчарел дрога бил погоден од невреме или се соочил со некакви проблеми, па се ослободил од дрогата.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close